:: Le Poète Guilloche >  "La Prophécie du Roy Charles" (7)   
 
 ACCUEIL
 > Guides/Aides
  :: Guide/Initiation
  :: Le Dictionnaire
  :: Notions élémentaires
  :: Guide du Dépôt
 > Les Grandes Collections
  :: Les Figures Royales
  :: Le Poète Guilloche
    Présentation des oeuvres
    "Le Bien Ducal" (1)
    "Le Bien Ducal" (2)
    "Le Bien Ducal" (3)
    "Le Bien Ducal" (4)
    "Le Bien Ducal" (5)
    "Le Bien Ducal" (6)
    "Le Bien Ducal" (7)
    "Le Bien Ducal" (8)
    "Le Bien Ducal" (9)
    "Le Bien Ducal" (10)
    Glossaire"Bien Ducal"
    "La Prophécie du Roy Charles" (1)
    "La Prophécie du Roy Charles" (2)
    "La Prophécie du Roy Charles" (3)
    "La Prophécie du Roy Charles" (4)
    "La Prophécie du Roy Charles" (5)
    "La Prophécie du Roy Charles" (6)
    "La Prophécie du Roy Charles" (7)
    "La Prophécie du Roy Charles" (8)
    "La Prophécie du Roy Charles" (9)
    "La Prophécie du Roy Charles" (10)
    Glossaire de la Prophécie
  :: Gérard de Nerval
  :: Les Cartes Postales
 > Actualités
 > Les Nouveautés
 > Bibliographie
 > Plan du site
 > Catalogue
 > Foire aux vieux papiers
 > Annuaire
 Liens
 
 Recherche
 
 Newsletter
 
     

  Présentation des oeuvres  |   "Le Bien Ducal" (1)  |   "Le Bien Ducal" (2)  |   "Le Bien Ducal" (3)  |   "Le Bien Ducal" (4)  |   "Le Bien Ducal" (5)  |   "Le Bien Ducal" (6)  |   "Le Bien Ducal" (7)  |   "Le Bien Ducal" (8)  |   "Le Bien Ducal" (9)  |   "Le Bien Ducal" (10)  |   Glossaire"Bien Ducal"  |   "La Prophécie du Roy Charles" (1)  |   "La Prophécie du Roy Charles" (2)  |   "La Prophécie du Roy Charles" (3)  |   "La Prophécie du Roy Charles" (4)  |   "La Prophécie du Roy Charles" (5)  |   "La Prophécie du Roy Charles" (6)  |   "La Prophécie du Roy Charles" (7)  |   "La Prophécie du Roy Charles" (8)  |   "La Prophécie du Roy Charles" (9)  |   "La Prophécie du Roy Charles" (10)  |   Glossaire de la Prophécie

LA PROPHECIE du Roi CHARLES VIII

Ycy croy-je bien fermement
Qui l'un de vous yroit féris,
Que l'autre de vous vrayement
Le vengeroit en fait, en dis;
Et si vous voy-je tous unis,
Pour aller destruire à oultrance
Les ennemys des fleurs de lis,
Aussi de la maison de France.

Et vous, messieurs les capitaines
De France, tous en général,
Monstrez cy voz euvres haultaines,
Qu'on en parle d'amont, d'aval.
Couraige! montez à cheval.
Conduisez voz gens vaillament,
Car autrement yroit tout mal,
Et aurez honneur grandement.

Et tous vous autres, gens de guerre,
Tant piétons que bombardiers,
Allez vous en vers celle terre
Contre ces villains usuriers;
Ilz ont ducas à beaulx milliers,
Et ont les Turcs à leur commande.
Piquiers, archiers, arbalestiers,
Ces gens là je vous recommande.

Si vous voulez estre vaillans,
En ceste guerre qu'on ordonne,
Vous en viendrez riches, puissans,
Aussi sains de vostre personne.
Quant à ma part, vous j'abandonne
Les Fleurentins, à ceste foys,
Et leur faictes guerre si bonne
Qu'il leur souviégne des Françoys.

lamays ne nous furent courtoys,
De nous se truffent à oultrance,
Disant, quant voyent un Françoys :
« Vien ça, vien, mon amy de France;
« Pille bouteille et laisse lance,
« Et pisse vin soubto lo banc. »
Si leur monstrez votre puissance,
Et leur faictez pisser le sang.
Las ! se j'eusse charge de gens,
Comme belcop d'aultres ares,
J'allasse veoir ces mescréans
Pour leur aprendre noz barres.
Puisqu'à barres ou escadres
Ils jouent et à la navice,
Je leur trousseroys les narres
Si bien que plus il n'y tornisse.

Des Fleurentins m'esbays
Et de leur gouvernement;
Jusqu'ycy la fleur de lis,
Ont servy révéremment.
Asteure-cy vrayement
Servent de bel parler cault;
Maintenant le sens leur fault.

Plusieurs foys fussent destruiz
Et tous mys à saquement,
Si ne fût feu roy Loys.
Qui les maintint puissamment.
Asteure-cy meschamment,
Le cqgnoissent ny leur chault;
Maintenant le sens leur fault.

L’or et l'argent du pays
De France, certainement
Ilz ont tiré, je le dis,
Par usure, bancquement.
De France l'avancement
Ont éu, et bas et hault.
Maintenant le sens leur fault.

Prince, ilz sont ennemys
De nature sans deffault;
Maintenant le sens leur fault.

Vous estes bien oultrecuydez,
Marrans, usuriers de Florence,
De vouloir faire résistance
Contre le roy dont offendez.

Et pour voz ducas ainsi cuydez
Achapter contre ly puissance,
Vous estes bien oultrecuydez.
Ducas ne vous ne ly nuyrez,
A Mais yra le bon roy de France
Pour vous destruire à belle lance
Et ville et gens, si ne vuydez,
Vous estes bien oultrecuydez

Las!Fleurentins, confessez vous
Et pencez bien à vostre cas,
Car je vous jure sainct Lucas,
L'on vous assommera de coups

Ne vous fiez à parler doulx,
Ny d'eschaper pour voz ducas,
Las! Fleurentins, confessez-vous

Vous estes ennemys de tous;
De malzvueillans avez grant tas
Contre vous s'en vont pas à pas
Et vous donrront ung mal repoux;
Las ! Fleurentins, confessez- vous

Nobles Francoys, haulcez la lance
Comme ceulx là très chrestiens,
Et mectez à obéissance
Ces Fleurentins et ces payens.

Ilz ont fait venir Turcs et chiens
Pour leur secours et aliance;
Nobles Françoys, haulsez la lance,
Comme ceulx là très chrestiens.

Ont aussi grant habondance
De Juifz, Moros, Suriens,
Les Turcs et tant d'autres payens,
Pour mener guerre au roy de France ;
Nobles Françoys, haulcez la lance,
Comme ceulx là très chrestiens,
Et mectez à obéissance
Ces Fleurentins et ces payens.

Or parlons de ce fol de Naples
Alfonse, et [sa] génélogie;
II n'est pas roy, mais est ung diables
Extraict de la marranerie,
Son père bastard, quoy qu'on en die,
Filz d'une vilaine barbière,
Laquelle fût, toute sa vie,
De Valance grant cantonière.

<<< retour >>> suite


 
 
 
 

Pour tout renseignement ou toute expertise gratuite: jacques.clemens@club-internet.fr

L'association des Amis du Vieux Papier ©-2005 - tous droits réservés. Droits des libertés - Mentions légales - Déclaration CNIL N°1066453 contact

Concept et Réalisation - Interface33.com - Partenaire technique - ClictoutDev.com
Site réalisé avec le soutien du Conseil Régional d'Aquitaine, programme Banque Numérique du Savoir Aquitain.