LE BIEN DUCAL
Et giraflars, serpens
coques coquars
De toutes pars, les desers ie vous ouffre :
En voz cauernes
puans come souffre
Tenir vous souffre, car la plus vous âme
De nul de vous
proffiter ne peult âme
Que faictez vous Eolus dieu des vens
Mandez de
ponent es pays leuans
Voz bons seruens par l'air et boufferie Vulturne.
boreas. sortez seruens
Hors voz conuens. allez soufflans bruyans
Faictez
scaunas a toute seigneurie
Loz l'ouneur. noblesse cheuallerie
De Sauoye et
sa ducale maison
Vous le deuez faire car c'est raison
Tremblez
tremblez Sarrasins et payens
Turcs mores iuifz macédoniens
Guineans
barbarins de Dieu hais
Gens reniez qui ont la foy trahiz
Memelus pires que
bestes ou chiens
Le tresnoble duc des Sauoysiens
Ensemble tous les
princes chrestiens
Si plaist a Dieu yra fin a vostre huys
Tremblez
tremblez
Le pape tressaint et ytaliens
Ont paix auec le roy
treschrestiens
Àlemaigne Espaigne et aultres pays
Seront auec monsr le duc
vniz
Pour vous aller confondre corps et biens
Tremblez tremblez
Leuez voz cueurs très chrestiens francoys
Rommains espaigneulx
germains escossoys
Aussi la région ytalienne
Tant fleurentine que
venissienne
Napolitains ferrarins miliannoys |
Et vous aussi hongroys flanmans angloys
Nauarroys
frisiens portingaloys
Tous ensemble pour la foy chrestienne
Leuez voz
cueurs
Payens tenans pire foy qu'une chienne
Troys pars de la région
terrienne
Tiennent a faulces enseignes et loix
Hélas princes xpiens tous
d'une voix
Confundez les que notre foy se tienne
Leuez voz cueurs
Aliez vous tous princes chrestiens
Car la puissance infidèle
crestiennne
Contre nous, mais avant Dieu les confonde
Si vous prie qu'on
destruyse et qu'on fonde
En mer ou abisme tout le débat
D'entre xpiens.
ores le de. bat.
Par questions guerres diuisions
Payens prennent sus vous
dix. visions
Pour vous assaillir a leur auantaige
Mais si ie visz ou ne
meurs avant. âge
Dieu vous vnira s'est mon espérance
Pour aller contr'eulx
bien espère en ce
L'on a fait maint sang chestien espandre
Mourir noyer
gens estrangler et pendre
A tort par guerres et question vayne
Nous
n'auons corps menbre nerfz ny veyne
Qu'en l'autre monde chacun ne s'en
sente
S'il a tenu du bien ou .mal la sente
Pourtant ce pendant que sommes
en vie
Deuons esloigner question euye
Raporteurs traistres flateurs leur
malice
Affin que nulle guerre ne mal ysse
Guerre a maint roy maint duc et
maint conte
Remis sus. les aultres a pouure compte
Guerre venimeuse trop
pique et mord
Par son sort a rendu maint homme mort |
Guerre engloutist tout onc ne viz chat-iel
Tout
gourmande citez ville et chaste! ,
II n'est esglise calice ne
chappe
Qu'elle ne preigne d'elle riens n'eschappe
De sa cordelle ou
sainture tout saint
Point ne vise lieu sacre Dieu ne sainct
Marchandises
ensemble leurs marchas
Qui vont aux foyres a grans pas marchans
À cheual
ou a pie sont destroussez
Et puis leurs biens sont abeaulx dez.
trossez
Dissipez iouez a cartes ou tables
Par les suppotz de guerre sus
leurs tables
Blasfemans Dieu sa mère nostre dame
Larrons murtriers sans
auoir pitié d'âme
Ou guerre passe filles sont violées
Soit blanches rouges
noires ou violées
Ignoscens petiz enfans sont occiz
A grans coups mortelz
par foiz cinq ou six
Cruellement et par félon couraige
Et pour sauluer mon
parler encor ay ie
Sus escript maintz suppotz nos tous gens
Car nobles se
monstrent en leurs faiz gents
Seruans leur prince en guerre noblement
Qui
aultremet le fait tel noble ment
Contre Dieu son prince et toute
noblesse
Mais le pire que voy et qui nous blesse .
Aucunes foiz l'on est
contraint a guerre
Contre maint prince qui son droit gué. erre
Par quoy se
fault mectre en iuste deffence
Sinon c'est contre droit car Dieu deffend.
ce
Et qui veult vser de folie vengence
N'a iamais victoire ne se venge en
ce
Luciffer l'orguilieux et oultrecuyde
Contre Dieu n'auoit pas bien
oultrecuyde
Parquoy tresbucha iusques en enfer
Illec estache en chaynes en
fer
Guerre iuste a bon droit en champs ou iouste
La paix me plaist mieulx
ma foy y adiouxte |
