LA PROPHECIE du Roi CHARLES VIII
La saincte
ampolle de renom
Que Dieu transmist à sainct Remis
Pour sacrer de celle
unxion
Les roys françoys et filz du lis;
Puis après, l'estendart
jolis,
Dit l'oliflant, cela est vroy,
Pour desployer contr'
ennemys
Infidèles à nostre loy;
Ces dons procèdent de deité,
Lesquelz,
je tiens sans nul esmoy,
Au nom de la saincte Trinité,
Batailleront fort
pour la foy.
Dieu plain d'amour, d'affection,
Au roy françoys si a
transmis
Une forte opéracion,
Miraculeuse, je le dis;
Des escrouelles
ont guéris,
Et n'y mectent sinon le doy,
C'est ung bel don et de grant
pois.
Qui ne m'en croit l'on veoit de quoy.
Pourquoy ceste belle
dignité
Et d'autres qu'a le présent roy,
Au nom de la saincte
Trinité,
Batailleront fort pour la foy.
Prince, le roy s'en va, bien
le voy.
Avec la saincte Divinité
Qui sera tousiours avec soy ;
Au nom
de la saincte Trinité,
Batailleront fort pour la foy.
Maison royal
plain de delis
Plaine de gente gentilesse,
Faisant fleurir en delis,
lis,
Par belle noble noblesse
Regardons la haulte haultesse
De
Charlemaigne peu à peu,
Qui grant payens par prou prouesse,
Avoit non pas
en vain vaincu. |
Roy sainct Loys, allant alla,
Se me semble,
semblablement,
Et par sa bataille tailla
Ces Turcs, forte gent,
gentement.
Puis comme hardy hardiment,
Devers Jhésus
Jhérusalem,
Dévot, dévocieusement,
Oraisons dit fin à Amen.
France par tout est renommée,
Nommée par grant excellance;
Lance
de France pour armée,
Armée pour sa redoubtance;
Doubtance on a de sa
puissance,
San ce toucher ne l'esprouver;
Prouver yra la
mescréance,
Créance j'ay de l'y trouver.
Icy me taiz pour le
présant,
Pour non vouloir donner ennuy
A plusieurs gens cecy lisant,
Cy
j'ay prolixité fouy.
Dieu a transmis jusqu'aujourd'huy
En France grans
biens auctentiques,
Vaillances, los plus qu'à aultruy ;
Tout ce verrez par
les cronicques.
Cy ne parleray seulement
Que du temps courant à briefz
mos,
Selon mon pouvre entendement,
Qui n'est pas trop en bon repos ;
Et
pour revenir à propos
De nostre roy très chrestien,
Qui loing s'en va o
ses suppos,
Pour notre foy et public bien.
Que pencez vous de ce roy
Charles?
Combien qu'il soit jeune de temps,
C'est le plus noble en fait
d'armes
Qui jamais fust depuis mil ans;
Onc roy de France n'eust le
sens
Ne la prouesse de cestuy;
Ny d'autres roys, fussent cinq
cens,
N'entreprendront ce qu'il fait huy. |
Cecy ne dis, n'aucun langaige
Pourcouraiger
nostre bon sire,
Car il a plus de bon couraige
Que ma langue ne sauroit
dire.
Tout papier du monde escripire
II ne sauroit de notre roy
Le
vaillant cueur qu'a pour destruire
Les ennemis de nostre foy.
O très
noble duc d'Orléans,
De Mylan, aussi de Valoys,
Contre ces villains
mescréans
Soyez vaillant à ceste foys,
Car vous l'onneur du roy
françoys
Augmenterez fort, et de France;
Et ces Juifz, Marrans,
Turcoys
Ruerez à pointe de lance.
Très noble conte
d'Angolesme,
Aussi noble duc de Nyvers,
Vous noble conte de
Vendosme,
Et gentil conte de Nevers,
Par vous les ennemys
parvers
Viendront à vraye obéissance.
Donnez à tors et à
travers,
Monstrez qu'avez sur eulx puissance.
Très gentil conte
d'Allebret,
Aussi noble prince d'Orenge,
Vueillez vous y porter de
het,
Que les Françoys en ait louenge;
Et vous, noble conte
d'Avranche,
Asteure est temps, à mon advis,
Frapez sus, mectez-vous en
renge,
Et gaignerez honneur et pris.
Très gentil conte de
Bouloigne
Et si ne fault pas oblier
Le noble bastard de
Bourgoigne,
Tous ensemble vous veulx prier
Cy vous souviégne
d'Olivier,
De Rollant et des pers de France
Des quatre filz Aymon tant
fier
Qui furent plains de grant vaillance. |
