:: Le Poète Guilloche >  "Le Bien Ducal" (5)   
 
 ACCUEIL
 > Guides/Aides
  :: Guide/Initiation
  :: Le Dictionnaire
  :: Notions élémentaires
  :: Guide du Dépôt
 > Les Grandes Collections
  :: Les Figures Royales
  :: Le Poète Guilloche
    Présentation des oeuvres
    "Le Bien Ducal" (1)
    "Le Bien Ducal" (2)
    "Le Bien Ducal" (3)
    "Le Bien Ducal" (4)
    "Le Bien Ducal" (5)
    "Le Bien Ducal" (6)
    "Le Bien Ducal" (7)
    "Le Bien Ducal" (8)
    "Le Bien Ducal" (9)
    "Le Bien Ducal" (10)
    Glossaire"Bien Ducal"
    "La Prophécie du Roy Charles" (1)
    "La Prophécie du Roy Charles" (2)
    "La Prophécie du Roy Charles" (3)
    "La Prophécie du Roy Charles" (4)
    "La Prophécie du Roy Charles" (5)
    "La Prophécie du Roy Charles" (6)
    "La Prophécie du Roy Charles" (7)
    "La Prophécie du Roy Charles" (8)
    "La Prophécie du Roy Charles" (9)
    "La Prophécie du Roy Charles" (10)
    Glossaire de la Prophécie
  :: Gérard de Nerval
  :: Les Cartes Postales
 > Actualités
 > Les Nouveautés
 > Bibliographie
 > Plan du site
 > Catalogue
 > Foire aux vieux papiers
 > Annuaire
 Liens
 
 Recherche
 
 Newsletter
 
     

  Présentation des oeuvres  |   "Le Bien Ducal" (1)  |   "Le Bien Ducal" (2)  |   "Le Bien Ducal" (3)  |   "Le Bien Ducal" (4)  |   "Le Bien Ducal" (5)  |   "Le Bien Ducal" (6)  |   "Le Bien Ducal" (7)  |   "Le Bien Ducal" (8)  |   "Le Bien Ducal" (9)  |   "Le Bien Ducal" (10)  |   Glossaire"Bien Ducal"  |   "La Prophécie du Roy Charles" (1)  |   "La Prophécie du Roy Charles" (2)  |   "La Prophécie du Roy Charles" (3)  |   "La Prophécie du Roy Charles" (4)  |   "La Prophécie du Roy Charles" (5)  |   "La Prophécie du Roy Charles" (6)  |   "La Prophécie du Roy Charles" (7)  |   "La Prophécie du Roy Charles" (8)  |   "La Prophécie du Roy Charles" (9)  |   "La Prophécie du Roy Charles" (10)  |   Glossaire de la Prophécie



LE BIEN DUCAL

Pour resiouyr les gens et nobles cueurs
Et appellez vostre amye Flora
Car a ce faire vous aydera
Autrement sommes de vous mal contens
S'il nous crouient actendre le primtemps

Et vous Phebus que faictez vous lassus
Ne dormez plus mectez vous au dessus
Estandez voz raidz de chaleur tousdiz
Fondez chassez les neiges de ça ius
Frappez fort et torchez sus ce freius
Maints ieuz n'ont point de lieu tant il fait gris
Faictez le temps bel lors grans et petis
Par tout Piémont ou par toute Sauoye
Pour Monsr le Duc feront feste et ioye

Chantez chantez les nobles de Sauoye
Et de Piémont faictez que l'on vous oye
Menez liesse triomphe et houneur
Tendez tappiz desployez or mounoye
Car droit et raison si vous crouoye
De faire grant feste a vostre seigneur
II est si preux si bel encor meilleur
Monstrez-vous vassaulx en toute place
Bien est qui a de son seigneur la grace

Et vous l'esglise qui querez soustien
Àyde support faueur entretien
Ores l'avez n'en faictez point doubtance
C'est Mons le Duc de si bon maintien
Deuot catholic tresbon chrestien
Qui vous ayme selon Dieu et conscience
lamais ne vous laisse cheoir en souffrance
Pourtant chanoynes moynes d'abbaye
Carmes iacopins chantez pour sa vie

Artesains merciers drapiers et marchans
En général tant riches que meschans
Docteurs notaires aussi gens d'office
Et pèlerins peuuent aller aux champs
Bien seurement chantant chançons et chants
Ores qu'est venu le bras de iustice
Monsr le Duc miroer de police
Depuis qu'il eust de son pays le faiz
Son peuple a tenu en tresboune paix

Pouure peuple des champs ou de vilaige
Ne vous esbahissez prenez couraige
Ores que Monsr le Duc est venu
Régentez vos vignes et labouraige
Et menez vos bestes au pasturaige
Car par lui serez tousiours soustenu
Taillez couppez du boys gros ou menu
Faictez devant voz loges feu de ioye
Dancez au tour criez viue Sauoye

Et vous Panna qu'esté Dieu des pastours
Et pastourelles qui sont aux entours
Monstrez cy vostre divine puissance
Faictez les saulter soupplesses et tours
Le fait le desfait et plusieurs retours
Chanter gaudir mener reiouyssance
Ne mectez a ce point de demourance
Car le temps est venu présentement
Qu'ils ont leur bon seigneur notoirement

Sus sus bergiers des champs que l'on souhaite
Laissez vostre pannetiere et hollete
Souhaitez sounez quelque basse dance
Chascun de vous preigne sa bergerette
Tastez leur teste soit dure ou molete
Dancez chantez et dictez a plaisance
Car pour Monsr le Duc plain d'excellence
En paix ferez paistre tous voz brebiz
Mengerez vos noix et vostre pain bis

Et vous petiz enfans dedans voz berds
Maillotez couchez de long ou enuerasDroit ou reuers chantez mama papa
Puis que voz langues parlent de trauers
Chantez voz vers à bouche ou yeulx ouuers
Rouges ou vers dictez la ny nyna
Car iamais enfant de laict ne disna
Ne desiuna pas si bon tectement
Come vous tecterez présentement.

Entre vous aussi petites fillettes
Mariées ou qui promises estes
Tresiolyetes faictez chappelletz
De ce vous prie belles godinetes
Et pucellètes caillez violetes
Passez vos festes a faire bouquetz
Or desployez voz langues et caquetz
À maints bacquetz vous yrez par houneur
Car iamais n'eustes vng si bon seigneur

Oyseaulx du ciel vous dormez ie le voys
Dans voz nids pour le grant froit yuernoys
Sortez au boys dire vos chanconnettes
Pinçons chardonniers papegaulx yndoys A haulte voix chantez sur le guingoys
Et adegoys ouurez cy voz gorcectes
Rossignolz merles rompez vous les testes
Chantez ou criez hault que l'on vous oye
Vive le Duc et aussi vive Sauoye

Paons faisans perdris et perdrigaulx
Grues gras hurons canars cailleteaulx
Tous estourneaulx et aultre volatille
Porcs sangliers deins ou sauuaiges cheureaulx
Bisches serfz beaulz lieures et lappereaulx
Bestes royaulx sauuagine gentille
Venez deuers vostre seigneur en ville
Mais vostre estille est n'en faire riens
Bien vous aura o ses oyseaulx et chiens

Griffons ours lyons aussi liepars
Monstres hideulx magos loups affamàrs
Aussi renars. chacun soit en son gouffre
Olifflans tous estranges bouffelars
<<< retour >>> suite


 
 
 
 

Pour tout renseignement ou toute expertise gratuite: jacques.clemens@club-internet.fr

L'association des Amis du Vieux Papier ©-2005 - tous droits réservés. Droits des libertés - Mentions légales - Déclaration CNIL N°1066453 contact

Concept et Réalisation - Interface33.com - Partenaire technique - ClictoutDev.com
Site réalisé avec le soutien du Conseil Régional d'Aquitaine, programme Banque Numérique du Savoir Aquitain.