:: Le Poète Guilloche >  "Le Bien Ducal" (3)   
 
 ACCUEIL
 > Guides/Aides
  :: Guide/Initiation
  :: Le Dictionnaire
  :: Notions élémentaires
  :: Guide du Dépôt
 > Les Grandes Collections
  :: Les Figures Royales
  :: Le Poète Guilloche
    Présentation des oeuvres
    "Le Bien Ducal" (1)
    "Le Bien Ducal" (2)
    "Le Bien Ducal" (3)
    "Le Bien Ducal" (4)
    "Le Bien Ducal" (5)
    "Le Bien Ducal" (6)
    "Le Bien Ducal" (7)
    "Le Bien Ducal" (8)
    "Le Bien Ducal" (9)
    "Le Bien Ducal" (10)
    Glossaire"Bien Ducal"
    "La Prophécie du Roy Charles" (1)
    "La Prophécie du Roy Charles" (2)
    "La Prophécie du Roy Charles" (3)
    "La Prophécie du Roy Charles" (4)
    "La Prophécie du Roy Charles" (5)
    "La Prophécie du Roy Charles" (6)
    "La Prophécie du Roy Charles" (7)
    "La Prophécie du Roy Charles" (8)
    "La Prophécie du Roy Charles" (9)
    "La Prophécie du Roy Charles" (10)
    Glossaire de la Prophécie
  :: Gérard de Nerval
  :: Les Cartes Postales
 > Actualités
 > Les Nouveautés
 > Bibliographie
 > Plan du site
 > Catalogue
 > Foire aux vieux papiers
 > Annuaire
 Liens
 
 Recherche
 
 Newsletter
 
     

  Présentation des oeuvres  |   "Le Bien Ducal" (1)  |   "Le Bien Ducal" (2)  |   "Le Bien Ducal" (3)  |   "Le Bien Ducal" (4)  |   "Le Bien Ducal" (5)  |   "Le Bien Ducal" (6)  |   "Le Bien Ducal" (7)  |   "Le Bien Ducal" (8)  |   "Le Bien Ducal" (9)  |   "Le Bien Ducal" (10)  |   Glossaire"Bien Ducal"  |   "La Prophécie du Roy Charles" (1)  |   "La Prophécie du Roy Charles" (2)  |   "La Prophécie du Roy Charles" (3)  |   "La Prophécie du Roy Charles" (4)  |   "La Prophécie du Roy Charles" (5)  |   "La Prophécie du Roy Charles" (6)  |   "La Prophécie du Roy Charles" (7)  |   "La Prophécie du Roy Charles" (8)  |   "La Prophécie du Roy Charles" (9)  |   "La Prophécie du Roy Charles" (10)  |   Glossaire de la Prophécie



LE BIEN DUCAL

Maternellement a este conceu
Du droit Bourbon la ducale maison
Deux nobles duchez sans estre deceu
Vertueuses et d'excellent blason

Cousin germain du roy très chrestien
Ses seurs duchesses d'Orléans bourbon
Des contes de ligny de dunoys tien
Tous filz de frère et seurs de grant renom
Pourtant ly deuons douner tillre et nom
Tresnoble tousiours aussi chacun an
Et ie le diz qui le vueille ouyr ou non
Qu'il est de plus noble sang que troyan

Monsr le duc tien si tresnoble court
Propre mignonne et si très vtile
Que de toutes régions l'on y court
Pour y prendre déduit veoir son estille
Quant va ouyr sa messe ou va par ville
Ou champs o. ses cheuaulx et mesgnie
Tous ses officiers et gent gentille
Sont en bel ordre et belle compagnie

En ceste court trouuerez tous estas
Contes marquis barons cheualerie
Grans arceuesques abbez et prelas
Escuyers nobles et grant seigneurie
Presidens conseilliers chancellerie
Chappelle bons chantres officiers
Tendeurs chasseurs veneurs falconnerie
Tous bien acoustrez mignons et gorriers

C'est vne grant récréation d'oeil
De veoir son train vng solas vng plaisir
Vng bel train ioyeulx chasse de tout duel
Tous belles gens et de noble désir
C'est vng duc qu'on doit eslire et choisir
Treshault tresillustre et tresexcellant
Des aultres ne mesdiz ny desplaisir
Mais c'est vng duc saige et beniuoleat
Son peuple tracte tant humainement
Que riens ne le moleste ne trauaille
Reçoit ses gens a vray hommaigement
D'eulx ne prend que son droit denier ou maille
Aux pouures gens l'aumosne doune et baille
Troys iours de la sepmaine par charité
A de personnes pour iour que ne faille
Plus de troys mille ce croy en vérité

Sa maison par chault ou froit gris ou vert
A tous estrangiers est habandounee
Or argent pain vin tout y est ouuert
Chacun y prend maint repas et disnee
C'est vne maison si bien ordonnée
Tapissée dedans et ala ronde
Plaine de gent bien moriginée
Aussi de mainte persoune faconde

S'il y vient roys ducz contes marquis
Cardinaulx cheualliers barons prelas
Tous sont bien venuz comme il est requis
Festoyez par triomphe et grant soulas
Ambassadeurs ou pouures gens hélas
A chacun d'iceulx selon son endroit
Monsr le duc sans iamais estre las
Vertueusement fait responce et droit

Pour vng ieune seigneur d'age et de temps
Comme est monsr le duc de Sauoye
Qui n'a pas encores vingt cinq ans
A bien trouue des vertuz la voye
Tant plus l'on le veoit tant plus l'on a ioye
II est bel bon plain d'amour et de grace
Et quant vng le sert bien mais qu'il le voye
Le recompensera en toute place

Quan feu son père vint celle saison
Pour estre de la duché possesseur
Monsr le duc qu'est ores par raison
Vsa d'une grant amour et doulceur
Quant il print sa cousine par houneur
Fille de feu Charles duc de Sauoye
Et de ma dame Blanche soyez seur
Quensemble longuement viure les voye

De ma damme Blanche quant ie m'aduise
Treshumble bénigne saige en vérité
Yssue de noble maison marquise
De Montferra plaine de nobilite
Elle fut par aliancé et vnite
Au feu duc Charles lors espousee
Et durant le temps de sa viduyte
La duché par houneur a gouvernée

Auec le roy francoys très chrestien
Aussi auec les ligues d'Italie
La noble dame a eu bon entretien
Sans douner au peuple merencolie
De sa part la guerre a fort abolie
Depuis Chambery iusques à Verceil
Tousiours a eu l'oppinion iolye
Et obéissante a son bon conseil

Sa court elle tient si tresexcellente
Mignonne propre belle necte et monde
A houneur et vertu fort sactalente
C'est vne dame en qui tout bien redonde
Sa court de tresnobles dames habonde
Grant nombre ya de ieunes damoyselles
Et si ne croy point que dame du monde
Royne ne duchesse en ait de plus belles

Premièrement ma dame la duchesse
Yolant sa fille sans nul doubtance
C'est noblesse c'est vertu c'est prouesse
C'est vne fontaine de grant prudence
C'est merueilles actendu son enfance
Et ieunesse de son entendement
Au fort pas ne m'esbahiz de sa science
Car elle a eu tresbon gouuernement
<<< retour >>> suite


 
 
 
 

Pour tout renseignement ou toute expertise gratuite: jacques.clemens@club-internet.fr

L'association des Amis du Vieux Papier ©-2005 - tous droits réservés. Droits des libertés - Mentions légales - Déclaration CNIL N°1066453 contact

Concept et Réalisation - Interface33.com - Partenaire technique - ClictoutDev.com
Site réalisé avec le soutien du Conseil Régional d'Aquitaine, programme Banque Numérique du Savoir Aquitain.