:: Le Poète Guilloche >  "La Prophécie du Roy Charles" (10)   
 
 ACCUEIL
 > Guides/Aides
  :: Guide/Initiation
  :: Le Dictionnaire
  :: Notions élémentaires
  :: Guide du Dépôt
 > Les Grandes Collections
  :: Les Figures Royales
  :: Le Poète Guilloche
    Présentation des oeuvres
    "Le Bien Ducal" (1)
    "Le Bien Ducal" (2)
    "Le Bien Ducal" (3)
    "Le Bien Ducal" (4)
    "Le Bien Ducal" (5)
    "Le Bien Ducal" (6)
    "Le Bien Ducal" (7)
    "Le Bien Ducal" (8)
    "Le Bien Ducal" (9)
    "Le Bien Ducal" (10)
    Glossaire"Bien Ducal"
    "La Prophécie du Roy Charles" (1)
    "La Prophécie du Roy Charles" (2)
    "La Prophécie du Roy Charles" (3)
    "La Prophécie du Roy Charles" (4)
    "La Prophécie du Roy Charles" (5)
    "La Prophécie du Roy Charles" (6)
    "La Prophécie du Roy Charles" (7)
    "La Prophécie du Roy Charles" (8)
    "La Prophécie du Roy Charles" (9)
    "La Prophécie du Roy Charles" (10)
    Glossaire de la Prophécie
  :: Gérard de Nerval
  :: Les Cartes Postales
 > Actualités
 > Les Nouveautés
 > Bibliographie
 > Plan du site
 > Catalogue
 > Foire aux vieux papiers
 > Annuaire
 Liens
 
 Recherche
 
 Newsletter
 
     

  Présentation des oeuvres  |   "Le Bien Ducal" (1)  |   "Le Bien Ducal" (2)  |   "Le Bien Ducal" (3)  |   "Le Bien Ducal" (4)  |   "Le Bien Ducal" (5)  |   "Le Bien Ducal" (6)  |   "Le Bien Ducal" (7)  |   "Le Bien Ducal" (8)  |   "Le Bien Ducal" (9)  |   "Le Bien Ducal" (10)  |   Glossaire"Bien Ducal"  |   "La Prophécie du Roy Charles" (1)  |   "La Prophécie du Roy Charles" (2)  |   "La Prophécie du Roy Charles" (3)  |   "La Prophécie du Roy Charles" (4)  |   "La Prophécie du Roy Charles" (5)  |   "La Prophécie du Roy Charles" (6)  |   "La Prophécie du Roy Charles" (7)  |   "La Prophécie du Roy Charles" (8)  |   "La Prophécie du Roy Charles" (9)  |   "La Prophécie du Roy Charles" (10)  |   Glossaire de la Prophécie



LA PROPHECIE du Roi CHARLES VIII

Cy orendroit, mon benoist Dieux,
En tous lieux
Nostre bon roy te recommend,
Et qu'il soit victorieulx
Et heureux
En toutes guerres vaillamment,
Et le gardes totellement,
Seurement,
De traistres et de trayson ;
Cecy espécialement,
Mesmement,
Te requiers en toute saison.

Et vous, presbtres séculiers,
Voz psaultiers
Dire tousiours vous devez;
Et moynef[s] dans voz moustiers.
Vous requiers
Que pour le roy Dieu priez.
II s'en va, comme savet
Et voyez,
En ces pays estrangiers;
Les prières que direz
Et ferez
Le garderont de dangiers.
Chartreux, Observantins,
Carmes et Augustins,
Célestins,
Priez Dieu humblement,
Tant vespres que matins;
Cordeliers et Jacopins
Et Béguins,
Priez semblablement,
Pour le roy vrayement
A Dieu dévotement ;
Tellement
Qu'il puisse vaillamment
Mectre à confondement
Ces ennemys mastins.

Nobles, marchans et vous bourgeoys,
Gens de mestier, loyaulx Francoys,
Je vous requiers à ceste foys,
Priez souvent
Le benoist Dieu du fermament,
Qu'au roy de France incessamment,
Donne victoire puissamment,
Contre ces chiens,
Et contre ces marrans payens
Qu'ont fait venir les Suriens,
Turcs, Moros, contre chrestiens
indeuement.

Dames, bourgeoyses, pucelles,
Damoyselles,
Qui ce lisez par plaisance;
Mesteralles, pastourelles,
Priez, belles,
Devant la divine essence,
Priez par vostre conscience,
La clémence
Du benoist Jhésus, Roy de Gloire,
Qu'il doint au noble roy de France

Tel puissance
Qu'il ait des ennemys victoire.

Vous qui ce lisez pour vous esbattre
Voyez le roy commant s'est acquité,
Lequel s'en va pour la foy combatre
Et s'est levé contre Infidélité.

Angloys, Escoussoys, par humanité,
Pour le roy viennent à grant puissance
Pour le servir, s'il est nécessité.
Dieu doint victoire au roy de France.

A tous chrestiens, sans nul rabatre,
Le leur a rendu par humilité,
Et pour non vouloir à eulx debatre,
Mais vivre en paix, aussi fidélité;
Et puis par son sens et bénignité,
Aux autres roys a fait aliance
Pour notre foy de chrestianité.
Dieu doint victoire au roy de France

A ces caultz Fleurentins ung emplastre
L'on leur garde, par grant tirannité,
Ilz seront batuz comme vieulx piastre ;
Car, sans faute, ilz l'ont bien mérité;
Ilz sont gros chrestiens en vérité,
Usuriers, bougerrons à oultrance,
Plains de péchez et plains d'iniquité.
Dieu doint victoire au roy de France!

Prince, Fleurentins-Marrans exité
Ont les Turcs-Moros pour aliance.
Chrestiens, prions tous par équité :
Dieu doint victoire au roy de France.
Pendu soit d'un lyen
Qui ne dira amen.

Nobles bourgeoys et vous marchans,
Damoyselles et bourgeoysie,
S'en cecy trouvez ditz meschans,
Vueillez pardonner ma folie.
Cyaylaissé poéterie
Car tous ne la peuvent entendre;
Rimes obscures mys n'ay mye,
Gens laiz si la pourront comprendre.
<<< retour


 
 
 
 

Pour tout renseignement ou toute expertise gratuite: jacques.clemens@club-internet.fr

L'association des Amis du Vieux Papier ©-2005 - tous droits réservés. Droits des libertés - Mentions légales - Déclaration CNIL N°1066453 contact

Concept et Réalisation - Interface33.com - Partenaire technique - ClictoutDev.com
Site réalisé avec le soutien du Conseil Régional d'Aquitaine, programme Banque Numérique du Savoir Aquitain.