:: Le Poète Guilloche >  "La Prophécie du Roy Charles" (5)   
 
 ACCUEIL
 > Guides/Aides
  :: Guide/Initiation
  :: Le Dictionnaire
  :: Notions élémentaires
  :: Guide du Dépôt
 > Les Grandes Collections
  :: Les Figures Royales
  :: Le Poète Guilloche
    Présentation des oeuvres
    "Le Bien Ducal" (1)
    "Le Bien Ducal" (2)
    "Le Bien Ducal" (3)
    "Le Bien Ducal" (4)
    "Le Bien Ducal" (5)
    "Le Bien Ducal" (6)
    "Le Bien Ducal" (7)
    "Le Bien Ducal" (8)
    "Le Bien Ducal" (9)
    "Le Bien Ducal" (10)
    Glossaire"Bien Ducal"
    "La Prophécie du Roy Charles" (1)
    "La Prophécie du Roy Charles" (2)
    "La Prophécie du Roy Charles" (3)
    "La Prophécie du Roy Charles" (4)
    "La Prophécie du Roy Charles" (5)
    "La Prophécie du Roy Charles" (6)
    "La Prophécie du Roy Charles" (7)
    "La Prophécie du Roy Charles" (8)
    "La Prophécie du Roy Charles" (9)
    "La Prophécie du Roy Charles" (10)
    Glossaire de la Prophécie
  :: Gérard de Nerval
  :: Les Cartes Postales
 > Actualités
 > Les Nouveautés
 > Bibliographie
 > Plan du site
 > Catalogue
 > Foire aux vieux papiers
 > Annuaire
 Liens
 
 Recherche
 
 Newsletter
 
     

  Présentation des oeuvres  |   "Le Bien Ducal" (1)  |   "Le Bien Ducal" (2)  |   "Le Bien Ducal" (3)  |   "Le Bien Ducal" (4)  |   "Le Bien Ducal" (5)  |   "Le Bien Ducal" (6)  |   "Le Bien Ducal" (7)  |   "Le Bien Ducal" (8)  |   "Le Bien Ducal" (9)  |   "Le Bien Ducal" (10)  |   Glossaire"Bien Ducal"  |   "La Prophécie du Roy Charles" (1)  |   "La Prophécie du Roy Charles" (2)  |   "La Prophécie du Roy Charles" (3)  |   "La Prophécie du Roy Charles" (4)  |   "La Prophécie du Roy Charles" (5)  |   "La Prophécie du Roy Charles" (6)  |   "La Prophécie du Roy Charles" (7)  |   "La Prophécie du Roy Charles" (8)  |   "La Prophécie du Roy Charles" (9)  |   "La Prophécie du Roy Charles" (10)  |   Glossaire de la Prophécie

LA PROPHECIE du Roi CHARLES VIII

O bon Roy de prudence,
Qui, en France,
Et par tous ses confins,
A mys grant pourvéance
Ordonnance,
Pour mieulx à toutes fins
Qu'aucuns de ses voysins,
Caultz ou fins,
Ne vinssent fraper sus;
Les circunvoysins
Par ainsins
Sur luy ne pourront plus.

Et n'est-ce pas ung don de Dieu
Qu'il a transmis au roy de France,
Qu'en l'Italie, en maint lieu,
II a parfaite intelligence?
Ce noble roy par sa prudence,
Ytaliens, sans coup férir,
A réduiz à son aliance;
Chascun ly vient au secourir.

Noble pays ytalien,
Vénissiens et Mylannoys,
Qui, vers le roy très chrestien,
S'en sont venus, et Colonnoys,
Aussi les seigneurs genevoys.
Qui sont les roys de la grant mer.
Tous se sont declairez Françoys,
Voyans le roy au Turc aller.

Vénissiens tousiours la guerre
Aux Turcs ont faicte par long temps.
Ils sont puissans par mer, par terre,
Pour le roy sont, comme j'entends :
Ils ont douze nefz navigans,
Trente deux gallères subtiles,
Vingte deux galliaces grans,
Qui pour le roy viennent habiles.

Aussi les seigneurs genevoys
Baillent, comme j'ay ouy dires,
Treze grans nefz au roy françoys
Qui sont sacs es autres navires;
Gallères, et non pas des pires,
En doibvent bailler vingte deux;
Or voy-je bien ces Turcs martires,
Et les Marrans non pas joyeulx.
Seront bien environ cent voyles
Du noble pays d'Italie;
Or regardons les autres toiles
Qui sont venuz de Normandie,
Avecques la grant compagnie
De Guienne et de la Bretaigne,
Et de Prouvence;sur ma vie,
La mer ressemble une montaigne.

Jamais ne fust homme vivant
Qui veit telle puissante armée.
La mer semble boys, tant est grant
L'armée, et bien ordonnée;
Ell'est de fleurs de lis semée;
Trompetes, clerins y habonde;
Ces Turcs Juifz, la Marrannée,
Ilz chasseront au bout du monde.

Noble pays ytalien,
Chassez dahors tous ces Marrans
Qui contrefont le chrestien
Et de la foy sont mescréans
Vôstre pays n'est habondans,
Et subjuguent Napolitains;
S'ilz se trouvent sur vous puissans,
De vous feront ny plus ny mains.

Noble pays ytalien,
Vous souliés entretenir
L'empereur fort Vaspasien
Qui tant de Juifz fist morir.
A tel honneur vous revenir
Devez, sans nul doubtance,
Par le noble roy de France.

Noble pays ytalien,
II vous devroit bien souvenir
De l'empereur Octovyen
Qu'en paix le monde fist tenir,
tel honneur devez venir,
Je vous prometz en présence,
Par le noble roy de France.
Noble pays ytalien,
Cy vous vueillez trestous unir
Avec le roy très chrestien,
Qui les tous Grecs va secourir
La vie du Turc va finir,
Et des gens de mescréanœ
Par le noble roy de France.

Prince, pays ytalien,
Recouvrera sa puissance
Par le noble roy de France.

Puys le temps du roy Charlemaigne,
Ne fut roy de si grant noblesse,
Qui osast passer la montaigne
Du mont Senis, ne hardiesse.
Charles remply de gentillesse,
Protecteur de foy catholicque,
Monstrera sa noble prouesse
Et son hault vouloir auctentique.

lamays ne fust, ny ne sera
Que Dieu par sa doulce clémence,
N'ait fort aymé, encor fera,
La très noble maison de France;
Oncques ne fut sinon potence
Pour maintenir la vraye foy
De Jhésus, sans point de doubtance,
Et sans varier à sa loy.

Regardons la dilection
Du benoist Dieu de paradis,
Qui, sur toute autre nacion,
La maison de France choisis;
Par son ange, troys fleurs de lis
Divinement transmist au roy
De France qu'on nommait Cloys,
Et les receut en noble arroy;
Ces troys fleurs de lis en vérité,
Comme sans faulte je le croy,
Au nom de la saincte Trinité
Batailleront fort pour la foy.
<<< retour >>> suite


 
 
 
 

Pour tout renseignement ou toute expertise gratuite: jacques.clemens@club-internet.fr

L'association des Amis du Vieux Papier ©-2005 - tous droits réservés. Droits des libertés - Mentions légales - Déclaration CNIL N°1066453 contact

Concept et Réalisation - Interface33.com - Partenaire technique - ClictoutDev.com
Site réalisé avec le soutien du Conseil Régional d'Aquitaine, programme Banque Numérique du Savoir Aquitain.