:: Le Poète Guilloche >  "Le Bien Ducal" (4)   
 
 ACCUEIL
 > Guides/Aides
  :: Guide/Initiation
  :: Le Dictionnaire
  :: Notions élémentaires
  :: Guide du Dépôt
 > Les Grandes Collections
  :: Les Figures Royales
  :: Le Poète Guilloche
    Présentation des oeuvres
    "Le Bien Ducal" (1)
    "Le Bien Ducal" (2)
    "Le Bien Ducal" (3)
    "Le Bien Ducal" (4)
    "Le Bien Ducal" (5)
    "Le Bien Ducal" (6)
    "Le Bien Ducal" (7)
    "Le Bien Ducal" (8)
    "Le Bien Ducal" (9)
    "Le Bien Ducal" (10)
    Glossaire"Bien Ducal"
    "La Prophécie du Roy Charles" (1)
    "La Prophécie du Roy Charles" (2)
    "La Prophécie du Roy Charles" (3)
    "La Prophécie du Roy Charles" (4)
    "La Prophécie du Roy Charles" (5)
    "La Prophécie du Roy Charles" (6)
    "La Prophécie du Roy Charles" (7)
    "La Prophécie du Roy Charles" (8)
    "La Prophécie du Roy Charles" (9)
    "La Prophécie du Roy Charles" (10)
    Glossaire de la Prophécie
  :: Gérard de Nerval
  :: Les Cartes Postales
 > Actualités
 > Les Nouveautés
 > Bibliographie
 > Plan du site
 > Catalogue
 > Foire aux vieux papiers
 > Annuaire
 Liens
 
 Recherche
 
 Newsletter
 
     

  Présentation des oeuvres  |   "Le Bien Ducal" (1)  |   "Le Bien Ducal" (2)  |   "Le Bien Ducal" (3)  |   "Le Bien Ducal" (4)  |   "Le Bien Ducal" (5)  |   "Le Bien Ducal" (6)  |   "Le Bien Ducal" (7)  |   "Le Bien Ducal" (8)  |   "Le Bien Ducal" (9)  |   "Le Bien Ducal" (10)  |   Glossaire"Bien Ducal"  |   "La Prophécie du Roy Charles" (1)  |   "La Prophécie du Roy Charles" (2)  |   "La Prophécie du Roy Charles" (3)  |   "La Prophécie du Roy Charles" (4)  |   "La Prophécie du Roy Charles" (5)  |   "La Prophécie du Roy Charles" (6)  |   "La Prophécie du Roy Charles" (7)  |   "La Prophécie du Roy Charles" (8)  |   "La Prophécie du Roy Charles" (9)  |   "La Prophécie du Roy Charles" (10)  |   Glossaire de la Prophécie



LE BIEN DUCAL

Elle est de beaulte clere et brunele
Visaige poupin ieune iouvencelle
Faitisse plaisante tresiolyete
Entièrement de corpulence belle
Dame ou pucelle iamais ne veiz telle
Pour deuiser dancer a doulx maintien
Toutes vertus se trouuent entoiir elle
C'est plaisir que de veoir son entretien

L'on veoit par tout q'ung enfant ieune deage
N'a pas vouluntiers sagesse ne sens
Dieu luy a doune cellui auantaige.
Et nature aussi tout ce ie consents
Hommes femmes plus de mille cinq cens
Qui l'ont veue la doiuent bien louer
Et de ce peu qu'en ay veu ou ien sents
De toutes vertus elle est miroer

Se monsr le duc son mary l'appelle
Elle ly respond si treshumblement
En reuerence comme vne pucelle
Qu'elle est encor ce croy certainement
Ilz se maintiennent amoureusement
Et leur amour de bien en mieulx se lye
Et s'entrayment si cordialement
Tellement que iamays ne se deslye

C'est don de Dieu n'en faictez point doubtance
Qui a compose cestuy mariage
C'est vne belle et tresboune aliance
Pour le bien du pays et auantaige le pry a Dieu que long temps et long âge
En santé puissent tous deux viure ensemble
Leur doint auoir hoirs et faire ïignaige
Qu'aleurs bonnes vertus tire et ressemble

Quant ma damme Blanche va a messe
La suyuent les tresbelles iolyetes
Propres mignonnes plaines de noblesse
Chacune soubz son bras ses matinetes
Portans leurs coliers d'or belles trempletes
Velours satin damas tous draps de soye
De corps de visaige les mieulx pourtraictes
Que iamais nature fit en Sauoye

Soit en chambre soit en sale ou en place
Deuant ma damme en passe très grant erre
Sont si bien aprinses plaines de grâce
Que reuerence ly font fin en terre
C'est pour plus grans biens de leur damme acquerre
Point ne m'esbahiz de leur sapience
Ne de leurs vertuz ne me veulx enquerre
Car tout vient de leur dame d'excellence

Elles sont si tresbien moriginees
Que s'il vient roy ou duc pour deuiser
Ou quant elles sont en dances menées
Scavent bien leur saige maintien vser
En leurs chambres entr'elles leur imuser
N'est si non faire de leurs mains ouuraige
L'une se mect couldre l'aultre enfuser
Fil dor ou soye par noble couraige

Selles sont belles de bonté meilleures
Deuocieuses par cordialité
De deux en deux s'en vont disant leurs heures
Tous matins serut la haulte deytent
Et qui vouldroit choisir a la vérité
En beau bonté l'aultre plus que l'uneyé
Elles sont toutes belles par équité
Et bonté leur est a toutes commune

Ou sont allées luno Palas Venus
En beaulte déesses vénéreuses
Minerue Dido. que sont deuenus
Thamaris. Creusa. Semiramis. Preuses
Les douze sibilles tant sumptueuses
Sarra Ester Sanna ne aultres d'elles
Ne furent si belles ne vertueuses
Comme sont les tresnobles damoyselles
Le tout procède de ma damme Blanche
Tresclere fontaine de sapience
C'est com vng bel arbre ou ie ne voy branche
Qui ne soit charge de fruit habondance
Qui plus la veoit plus y aprendre science
C'est à elle qu'on se doit retirer
Et qui la seruira par ma conscience
Biens et vertus d'elle pourra tirer

Que diray ie de ceste noble dame
Tant saige tant discrète tant prudente
Catholicque deuote de corps d'âme
Parfaicte vertueuse et éloquente
Comme le souleil c'est chose euidente
Sus les estoilles luyt et rend flammes
Ainsi est la noble dame excedente
En biens et vertus les aultres dames

Les estoilles sont sans nombre estables
Qui toutes les compte il se mescompte
Ainsi sont ses biens innumerables
En ses vertus n'a point de final compte
Elle a de vertus plus que ne racompte
II n'est langue qui les sceut toutes dire
Encre ne papier diray sans honte
Ne main d'homme ne les pourrait escripre

Pourtant nobles de Piémont ou Savoye
Jamais ne vous aduint vng plus grant bien
Duc dame aussi duchesse auez en voye
C'est tout vng cueur vng vouloir vng lyen
Duc ne scay roy ne prince terrien
Royne duchesse dame ne princesse
Sus ma conscience le prens et soustien
De plus grant vertu ne plus grant prouesse

0 zephirus soufflez arbres et fleurs
Teignez iardins champs et prez en verdeurs
Par tout ou Monsr le Duc passera
Remplissez les tost de bounes odeurs
<<< retour >>> suite


 
 
 
 

Pour tout renseignement ou toute expertise gratuite: jacques.clemens@club-internet.fr

L'association des Amis du Vieux Papier ©-2005 - tous droits réservés. Droits des libertés - Mentions légales - Déclaration CNIL N°1066453 contact

Concept et Réalisation - Interface33.com - Partenaire technique - ClictoutDev.com
Site réalisé avec le soutien du Conseil Régional d'Aquitaine, programme Banque Numérique du Savoir Aquitain.