LA PROPHECIE du Roi CHARLES VIII
Au dixeseptiesme an
tantost
De son âge, son premier host
Commencera contre son sang,
Qui ly
vouldront oster le banc,
Siège royal, et la couronne.
Dieu préservera sa
personne.
Et si aura contr'eulx victoire.
Préalablement devez
croyre
Qu'il les prendra tous prisonniers;
Et puis le roy, de cueur
entiers,
Du mal fait les pardonnera,
De pitié d'eulx qu'il en
aura.
L'an dixehuitiesme, autre foys,
Aucuns des grans princes
francoys
Hors du royaume s'en yront,
Et contre luy se leveront.
Mais
tout ce rien ne leur vauldra,
Car victoire contr'eulx aura,
Et prisonniers
un' autre foys
II les prendra par ces arroys.
Abolicion générale
De
tous les maulx que ly ont fait,
Leur pardonnant de cueur parfait;
L'an
vingtequatriesme fera
Grant exercice, et armera
Par mer, aussi fera par
terre,
Et puis s'en tirera grant erre
Vers ie pays des Italies.
L'an
trente troys, celles parties,
II fera de si grant batailles
Qu'il
subjuguera les Ytailles,
Espaigneulz et Aragonnoys,
Lombards, aussi
bien Yrlandoys,
Et d'autres gens subiuguera;
Et puis après
conquestera
Vaillamment la cité de Romme,
Et obtiendra double
couronne;
|
Nommé sera roy des Rommains,
Oultre le vouloir des
Germains,
C'est assavoir des Alemans ;
Et puis après incessammens
Par
feu et par sang destruyra
Un' autre cité qui sera
Nommée la Cité de
péchié,
Puis, après cela despéchié,
Semeneront le sel sur
elle.
L'acteur.
Cy ne puis entendre laquelle
Ait tant
de péchié ni d'offense,
Si non la cité de Florence.
Ladicte
prophétie.
A mort mectra le mauvaix clère
Qu'aura sismaté le
sainct père,
Et le sainct siège apostolicque,
Aussi l'Esglise
catholicque;
Et puis après, par son moyen,
Tout homme et roy
chrestien
A luy tousiours se soubzmectra.
Ce fait, d'ilec il s'en
yra
Et passera delà la mer,
Et si fera très bien armer
Son grant host,
et excercice
D'armes, par ordre, par police;
Entrera puis dedans la
Grèce,
Où par sa vaillante prouesse
Sera nommé le roy des Grectz.
Et
cecy fait, tantost après,
Divinement sera escript
Sur son front, qu'on
lira, et dit :
« Roy de France suis, des Rommains
Et des Grectz.»Lors tous
humains
|
Subiuguera et Barbarins,
Yspres, Turcs et aussi
Surins,
A son règne les soubzmectra;
Puis après ung édict fera :
«
Quiconcques ne honnorera
Le cruxifix, morra de mort, »
Et n'y aura celluy
si fort
Qui puisse résister à ly.
Mais s'en fouyront, je le vous
dy,
Par montaignes et par cavernes,
Par boys, pertuys et par
poternes,
Eulx mussans de devant sa face,
Affin que nul grief il leur
face.
Car le sainct bras du benoist Dieu
Avec lui sera en tout lieu
;
Justice aussi semblablement
Avec luy sera vrayement,
Comme l'espoux
avec l'espouse,
Qui est une moult belle chose.
Il possédera en sa
vie
La très haultaine seigneurie
De ceste terre universelle.
Puis sa
louenge sera telle,
Ces choses faictes, tous humains
L'apelleront le
sainct des saincts.
En Jhérusalem entrera,
Et mont Olivet
montera.
Priant Dieu le père et le filz,
Et le benoist sainct Esperis
;
Dépositant ces troys couronnes,
Et disant ses oraisons bonnes,
Comme
je trouve par escript,
A Dieu rendra son Esperit;
Lors seront signes
merveilleux,
La terre mouvant en tous lieux,
Du règne dudit roy
francoys,
L'an qui sera cinquante troys |
