Les Vieux Papiers, archives privées des Aquitains

[Portrait d'Anne de Bretagne, d'après un calque de M. de Bastard Bibliothèque Nationale.]	LA PROPHECIE du Roi CHARLES VIII De noblesse c'est la fontaine, Et des vertuz le vray miroir, De bonté et de beaulté plaine : Chascun le peult apparcevoir, Ung filz daulphin doulx et benign Du roy a eu, cela est voir; Cy prions Dieu que ce dauilphin Longuement vivre nous doint veoir. Tant de pierres n'est en montaigne, Ny goutes d'eaue en mer haultaine, Comme de vertuz, où se baigne La noble royne, et se démaine. Des vertuz c'est le droit dommaine, Et de sagesse c'est le manoir ; Or Dieu ly doint vie longtaine, Et acomplir son bon vouloir; Francoys ont l'arbre femenin Qui de beaulx fruyz pourra avoir; Cy prions Dieu que ce daulphin Longuement vivre nous doint veoir. Il n'est Flandres ny Alemaigne, Bourgoigne, ny aussi Lorraine, Castille, Aragon, ny Espaigne, N'en a point de plus souveraine. Souleil luyt, c'est chose certaine, Sur les estoilles à pouvoir; Ainsi reluit la noble royne Sur toutes roynes, foys savoir. De beaulx enfans le roy divin, Encor ly fera concepvoir, Cy prions Dieu que ce daulphin Longuement vivre nous doint veoir.	Prince, France doit recepvoir Grans biens pour elle à la fin ; Loyaulx Francoys, tous d'un vouloir, Cy prions Dieu que ce daulphin Longuement vivre nous doint veoir. Vray Dieu du ciel, très juste, bon, Transmis nous as par ta clémence Jehan, noble duc de Bourbon, Et la duchesse Anne de France; Ces deux là par leur grant prudence. Tout le royaulme sans nul sy, Aussi le ro'y en son enffance, Ont bien gouverné jusque cy. Ilz sont tous deulx plains de prouesse; Que s'ilz voyent aucunnement Qu'aucune part le roy on blesse, Les en garderont seurement. Cy espéré-je fermement Que tousiours mais seront féaulx, Au roy de France entièrement Amys parfaitz et cordiaulx. Très excellent Roy courtoys Des Françoys, Triomphe d'onneur notable, Qui, selon les vrayes lois, Par droit poix, Fait justice véritable Par conseil auctorisable, Soubzmectable II est tousiours à plusieurs, Dont il est fort amyable Et louable, Entre tous autres seigneurs.
<<< retour		>>> suite

Pour tout renseignement ou toute expertise gratuite: jacques.clemens@club-internet.fr
L'association des Amis du Vieux Papier ©-2005 - tous droits réservés.	Droits des libertés - Mentions légales - Déclaration CNIL N°1066453	contact
Concept et Réalisation - Interface33.com - Partenaire technique - ClictoutDev.com Site réalisé avec le soutien du Conseil Régional d'Aquitaine, programme Banque Numérique du Savoir Aquitain.